Oft vefst fyrir fólki, hvernig skal flokka.
Hér eru flokkarnir:

 

Græna tunnan:

 

Bylgjupappi, sléttur pappi og blöð: 

Bylgjupappi: Allur bylgjupappi, til dæmis pappakassar, pitsukassar og þvottaefniskassar!

Bylgjupappi þekkist af bylgjum sem sjást ef brúnir hans eru skoðaðar. Það er í lagi að bylgjupappinn sé áprentaður, plasthúðaður og litsterkur.

Sléttur pappi: Það eru umbúðir utan af morgunkorni, eggjabakkar, eldhús- og salernishólkar og kexpakkar.

Mikilvægt er að fjarlægja allar matarleifar og plastumbúðir sem kunna að vera inni í umbúðunum.

Blöð: Dagblöð, tímarit, allskonar auglýsingapésar, umslög, skrifstofupappír og svo framvegis.
Það þarf ekki að hreinsa heftivír úr pappír.

 

 

Allann pappa má flokka saman!


Fernur:

Fernur er nauðsynlegt að skola til að forðast lyktarmengun og brjóta svo allar umbúðir saman svo þær taki minna pláss.


litað plast og glært Plast:

Litað plast: Litað og áprentað plast, til dæmis utan af kók-kippum, brauði, sælgæti, selernispappír, eldhúspappír og svo innkaupapokar.

 

 

Glært plast: Allt plast sem er glært, til dæmis innan úr morgunkornspökkum og utan af kexi. 

 

 

 

Glært og litað plast má fara saman í glæran plastpoka.


Stíft plast:

Í þennann flokk fara plastbakkar undan matvælum, plast undan drykkjum t.d söfum. Dósir undan skyri, jógúrt, mysingi, sýrðum rjóma, mayonnaise, ís, sósum, ostum og svo lok og tappar. Brúsar undan sjampói, hárnæringu, uppþvottalegi, hreinsiefnum o.fl.

Umbúðarnar þurfa að vera tómar. Áríðandi er að skola þær svo ekki komi ólykt. Æskilegt er að lok og tappar séu ekki á umbúðum en fylgi með í flokkunarpokanum. 

STÍFT PLAST MÁ FARA MEÐ PLASTFILMU Í GLÆRAN PLASTPOKA.


Málmar:

Niðursuðudósir, lok, tappar, álpappír, álbox af sprittkertum og margir aðrir smáhlutir úr málmum fara í þennann flokk. Ekki þarf að fjarlægja bréfmiða af dósum, plasttappa eða plasthandföng. Málmur þarf samt að vera í meirihluta. 

Ganga skal tryggilega frá eggjárni, t.d hnífum og skærum sem sett er í grænu tunnuna, svo það skaði engan við flokkun. Öllum stærri málmhlutum t.d. pottum, pönnum, garðverkfærum, sláttuvélum o.fl. skal skilað til Flokku.


Brúna Hólfið:

Lífrænn Úrgangur - hent í maíspoka:

Í brúna hólfið fer allur lífrænn úrgangur sem fellur til á heimilum, t.d. allar matarleifar, brauð og kökuafgangar, eggjaskurn, kaffikorgur, kaffisíur og tepokar, ávextir, grænmeti, kjöt- og fiskafgangar, öll bein s.s. fisk- og kjötbein, eldhúspappír og servéttur, afskorin blóm og plöntur. 

Athugið! Súpur, sósur og soð má ekki setja með lífrænum úrgangi, því er skolað niður um vaskinn.